ဆုတောင်းဇာတ်လမ်းတွဲလေးထုတ်လွှင့်ချိန်မှာ ကွယ်လွန်သွားတဲ့ မိခင်ဖြစ်သူကိုသတိရနေတဲ့ ဈူးဈူးဈာန်

မြန်မာဇာတ်လမ်းတွဲကြိုက်နှစ်သက်သူတွေအတွက် ဈူးဈူးဈာန်ကတော့ အားလုံးမသိသူမရှိလောက်ပါဘူး။ ဇာတ်ပို့နေရာက အများဆုံးသရုပ်ဆောင်ရတဲ့ မင်းသမီးတစ်ဦးဖြစ်ပေမယ့် ပါဝင်သမျှဇာတ်ရုပ်တိုင်းကို ပရိတ်သတ်ရင်ထဲမှာစွဲနေအောင် သရုပ်ဆောင်နိုင်သူတစ်ဦးပါ။

ဇာတ်လမ်းတွဲတွေမှာ ကိုယ်တိုင်သရုပ်ဆောင်ရုံသာမက မြန်မာစကားပြောနောက်ခံထိုင်းဇာတ်လမ်းတွဲတွေမှာလဲ အသံသရုပ်ဆောင်အဖြစ် ပရိတ်သတ်တွေကိုအမျိုးမျိုးဖျော်ဖြေလေ့ရှိသူပါ။

ကျရာဇာတ်ရုပ်ကျွမ်းကျင်ပိုင်နိုင်လှတဲ့ ဈူးဈူးဈာန်ဟာ မကြာသေးခင်ကမှ အသစ်ထုတ်လွှင့်ပြသခဲ့တဲ့ ဆုတောင်းဆိုတဲ့ ဇာတ်လမ်းတွဲသစ်လေးမှာလဲ မအေးမြဆိုတဲ့ဇာတ်ရုပ်နဲ့ပါဝင်ထားပါသေးတယ်။

ဒီနေ့မှာတော့ မအေးမြဇာတ်ရုပ်က သူ့အတွက်သရုပ်ဆောင်ပညာပြခွင့်ရပြီး ပါဝင်ရတဲ့အခန်းများတာကြောင့် ကွယ်လွန်သွားတဲ့မိခင်ကြီးသာရှိရင် ကျေနပ်ဂုဏ်ယူနေမှာကိုတွေးမိပြီး သတိရနေတဲ့အကြောင်းကို အခုလိုပဲရင်ဖွင့်လာပါတယ်။